din kuchh aise guzaarataa hai ko_ii
jaise ehasaan utaarataa hai ko_ii
aa_iinaa dekh ke tasallii hu_ii
ham ko is ghar meiN jaanataa hai ko_ii
pak gayaa hai shazar pe phal shayaad
phir se patthar uchhalataa hai ko_ii
phir nazar meiN lahuu ke chhiiNTe haiN
tum ko shaayad mughaalataa hai ko_ii
der se guuNjate haiN sannaaTe
jaise ham ko pukaarataa hai ko_ii"[
0 Comments:
Post a Comment
<< Home