Kahaa tha chalenge saath hum...
Fir bhi main aaj tanha si hun...
Kitne kadam akele chale hain in raaho pe....
Kitne ab bhi baki hain....

Jab chubhan si hoti hai seene me,
Tanhayi paakar apne liye...
Tees si uth'ti hai dil me...
Sab kuch tuta hua sa lagta hai....

Haan kai khwab dekhe the maine
Aur kai saari baato ko dil se lagaye baithi thi....
Pratibimb tha sirf aur kuch nahi
Aaj aaina nahi to kahan dekhu us ko....

Kai aur khwab sajane ki himmat nahi
Na hi hai himmat aaj aage badhne ki..
Yahi hun main aur yahi reh jaungi...
Ki tuta hai dil...aur aawaaz nahi sunai di hai kisi ko....

Rone ki bhi kshamta nahi hai mujhme
Ki aansu bhi saare sukh gaye hain ab...
Bas ek tuta hua dil hai zindagi ko sambhale
Aur kai tute dhaage, is banjar dil ko sambhale...